ការសម្រេចចិត្តការផ្សព្វផ្សាយលក់

­­­­​​​​​​​​​​​​​ការសំរេចចិត្តអំពីការផ្សព្វផ្សាយលក់

ជំហានទីមួយ​​ ក្នុងដំណើរការប្រព្រឹត្តិនៃការផ្សព្វផ្សាយលក់​ គឺកំណត់នូវ​គោលបំណងរបស់ការផ្សព្វផ្សាយលក់។ ជាថ្មីម្តងទៀត ការនេះត្រូវអោយសមស្រប ជាមួយគោលបំណងនៃការទំនាក់ទំនង Marketing  ហើយរួមមានការជំរុញ​ការសាកល្បង​​នៃផលិតផល ជំរុ​ញ​អ្នកស្តាប់ គោលដៅអោយប្រែ ពីផលិតផល​របស់​គូរប្រកួតប្រជែងមកផលិតផលយើង និងការរក្សាជំនួយពាណិជ្ជកម្ម។

ជំហានទីពីរ គឺរៀបចំបែងចែកថវិការ សំរាប់ផ្សព្វផ្សាយលក់ទំនិញ​ ទៅអោយ​ផលិត ផល ឬ​ ផ្លាកសញ្ញាផ្សេងៗ។ ការងារនេះអាច ​ធ្វើក្រោយពេលវាយតំលៃ ការសំដែងសកម្ម ភាព​ក្នុងទីផ្សារ ឬផ្លាកសញ្ញាពីឆ្នាំ ហើយកំណត់មើលថាតើ កិច្ចការផ្សព្វផ្សាយលក់ណាដែលចាំបាច់ចំពោះវា។

ជំហានទីបី​ គឺជ្រើសរើសឧបករណ៍ផ្សព្វផ្សាយលក់។​ឧបករណ៍ដែលសំដៅទៅអតិថិជន ចុងក្រោយគឺ

ក-Coupons

ខ-ការប្តូរជាសាច់ប្រាក់វិញ

គ-អោយគំរូ

ឃ-ឆ្នោតរង្វាន់

ង-ជំនូន

ច-ព្រឹត្ដិការណ៍ពិសេស ដូចជាបុណ្យជាតិ ឬ បុណ្យប្រពៃណី

ឆ​-ការបង្ហាញផលិតផល​ និង

ជ-ការដាក់តាំងនៅចំនុចវិញ។

ឧបករណ៍ ដែលសំដៅទៅសមាជិកច្រកបែងចែក គឺ

        ក-​​ពិពណ៌ពាណិជ្ជកម្ម​ ឬសន្និបាត

        ខ-​ហ្វឹកហ្វឺនអ្នកលក់ក្នុងច្រកនិមួយៗ ឬតំណាងអ្នកបច្ចេកទេស

        គ-ការផ្តល់អប្បហារពាណិជ្ជកម្ម

        ឃ-ខ្ទង់ចំណេញពិសេស ដែលផ្តល់ចំពោះផលិផលថ្មី

        ង-ផ្តល់ខ្ទង់សំរាប់សហការផ្សាយពាណិជ្ជកម្ម ឬការផ្សព្វផ្សាយលក់

        ច-ការបង្ហាញគំរូ និង

        ឆ-ការតាំងនៅចំណុចលក់។

ក្រោយពេលជ្រើសរើស ឧបករណ៍រួចហើយ ត្រូវគូសគ្រោងរៀបចំកម្មវិធី ផ្សព្វផ្សាយលក់ទំនិញ។ ការងារទាំងនេះ ពាក់ព័ន្ធដល់

        ក-ពេលវេលា និងរយៈពេលជាក់លាក់របស់កម្មវិធី

        ខ-ទំហំគ្រឿងលើកទឹកចិត្ត

        គ-​លក្ខខ័ណ្ឌសំរាប់រួមចំណែក និង

        ឃ-ផែនការលំអិតសំរាប់ការអនុវត្តន៍។

        ជំហានទីបួន ប្រសិនបើផែនការផ្តល់រង្វាន់បានរៀបចំរួចហើយនោះ រយៈពេលនិង​ រង្វាន់សំរាប់ឆ្នោតត្រូវកំណត់ជាក់លាក់ វិធាននៃការផ្តល់រង្វាន់ឡើង ទំរង់ការផ្តល់រង្វាន់ត្រូវបោះពុម្ព ហើយការអនុវត្តន៍ផែនការ ត្រូវបង្កើតឡើងសំរាប់ករណីដូចខាងក្រោម:

ការបែងចែកទំរង់នៃការផ្ដល់រង្វាន់ ទៅអោយសមាជិកច្រកបែងចែកនិង/ ឬអតិថិជនសង្ខេបការទទួលខុសត្រូវរបស់សមាជិកច្រកបែងចែកបែបបទសំរាប់ការចូលរួម របស់អតិថិជននិងពិនិត្យភាពមានសិទ្ធកំណត់និងផ្សព្វផ្សាយ អ្នកឈ្នះរង្វាន់និងបង្ហាញជាសាធារណៈ នូវអ្នកទទួលរង្វាន់។

        ជំហានទីប្រាំ គឺសាកល្បងដំបូងនូវកម្មវិធី។​ ជំហាននេះសំរាប់ការពារនូវបញ្ហាដែលមិនអាចមើលឃើញ។

        ជំហានចុងក្រោយ គឺវាយតំលៃកម្មវិធីនៃការផ្សព្វផ្សាយលក់។ការឆ្លើយ​តប​​របស់អតិថិជន និងសមាជិកច្រកបែងចែក ក៏ត្រូវបានពិនិត្យផងដែរ។ តើគេបាន​សាទរ​ចំពោះកម្មវិធីឬទេ? តើគេបានចូលរួមយ៉ាងទូលំទូលាយបែបណា? ឥទ្ធិពល​នៃ​កម្មវិធីលើកការលក់ អាចត្រូវបានវាយតំលៃ ទោះបីជាវាមាន​ការលំបាកក្នុង​ការ​បែង​ចែក អោយដាច់ក្នុងការបែងចែកអោយដាច់កម្មវិធីផ្សព្វផ្សាយលក់ និងការលក់​ក៏ដោយ។